Reglanan di examen

Ariba dia di examen e siguiente reglanan ta conta :

E candidato mester ta decente bisti No ta accepta:

a. Saja hopi cortico. (mini-rok)
b. Carson hopi cortico. (hot-pants)
c. Slof na pia.
d. Boddy-shirt.

2. Den e caso e candidato no presenta na tempo pa su examen, lo no pasa examen mas. Tei 10 minuut prome cu e ora di examen.

3. E candidato mester avisa dos dia prome cu su fecha di examen cu e no por pasa su examen mas.

4. E vehiculo di motor den cual e candidato ta pasa su examen mester cumpli cu e excigencianan di lei di trafico.

5. E vehiculo den cual e candidato ta pasa su examen mester cumpli cu e categoria di rijbewijs cu e ta desea.

6. Den caso cu e vehiculo den cual e examen ta wordo pasa no ta automatico e mester tin dobbel brik y dobbel clutch.

7. Ariba e dak di e vehiculo di motor den cual e examen ta tuma luga mester tin na parti patras un borchi cuadra color blanco cu tin un haltura y hanchura di 17.5 cm, den cual un “L” cu letter mayor color blauw of preto.

8. Ariba e windshield (dilanti) y e glasnan di bentana cu ta keda na banda drechi y robes di e chauffeur no por tin ningun material poni (geplak) cu por baha e visibilidad tanto paden como pafo.(papel di tint)

9. E interior di e vehiculo mester ta den un estado nechi. Den caso cu no ta cumpli cu un di e reglanan aki riba menciona lo no pasa e candidato examen. E eximador ta dicidi.

Regla ora di keho:

Den caso cu e candidato no ta di acuerdo cu e resultado di su examen e por manda su keho por escrito na hefe di e Oficina di Examen di rijbewijs.